2 верасня (нядзеля) у Ракаве, у 30 км. на захад ад Мінска, у трэці раз пройдзе фестываль культур “РАКАЎСКІ ФЭСТ”
31.08.2018
Ракаў – полікультурнае мястэчка, у якім здаўна цесна пераплецены культуры розных народаў, якія на працягу многіх стагоддзяў мірна і плённа разам працавалі і адпачывалі. Асаблівага росквіту Ракаў дасягнуў у 30-я гады мінулага стагоддзя, калі апынуўся на памежжы Польшчы з СССР, і нават атрымаў неафіцыйны статус “сталіцы кантрабандыстаў”.
У праграме фестывалю: прэзентацыя польскай, беларускай, літоўскай і яўрэйскай культур, праграма духоўнай музыкі, кірмаш “Горад майстроў”, экскурсія па Ракаву, выставы і творчыя забавы для дзяцей, квэст “Сцежкамі кантрабандыстаў”, флэшмоб “Затанчым разам” і “Спеўны сход”, фота-пленэр, стравы нацыянальнай кухні, конкурсы і ўзнагароды для ўдзельнікаў.
.jpg)
|
МУЗЫЧНАЯ ПРАГРАМА Сцэна на Плошчы Свабоды. Уваход вольны 15:00 Урачыстае адкрыццё фестывалю Канцэртная праграма “КАРАГОД КУЛЬТУР” – сузор’е вакальных, інструментальных і харэаграфічных калектываў: “Вязанка”, “Polka”, “Мішпаха”, “Песенка”, “Majowy Kwiat”, „The way”, „Va Bank”, “Гіль захав”, “Гасцінец”, “Тэмбр”, “Nevrida”, “Вербіца”, “Мішпаха”, “ Вянок”, Юлія Лівянт, Алена Чайка, “Ars Longa”.
19:00 Піт Паўлаў. “Па слядах кантрабандыстаў” 19:20 Узнагароджванне ўдзельнікаў фестывалю 19:40 Флэшмоб “Затанчым разам” 20:00 Гурт “Kapela ze Wsi Warszawa” (Польшча) 21:00 Гурт “Стары Ольса” (Беларусь) 22:00 Святочны феерверк |
Мерапрыемствы ў межах фестывалю: 09:00 – 18:00 Тэатралізаваны квэст паводле кнігі "Каханак Вялікай Мядзведзіцы" Сяргея Пясецкага. Жадаючыя змогуць акунуцца ў атмасферу мястэчка Ракаў 1930-х гадоў, прайсці "Сцежкамі кантрабандыстаў 12:00 – 14:00 Праграма духоўнай музыкі 12:00 Хор “Всехсвятский” (Спаса-Прыабражэнская царква ў Ракаве) 13:30 «Cantus Cordis» (г.Мінск) (Касцёл Маці Божай Ружанцовай і Св. Дамініка ў Ракаве) 12:00 –20:00 *Экскурсіі па Ракаву („ІНФАЦЭНТР” ля галоўнай сцэны) * Выстава прысвечаная Ф. Рушчыцу (Галерэя ДУА”Ракаўская дзіцячая школа мастацтваў) *Кірмаш “Горад майстроў” *Мастацкі пленэр і фота-пленэр. (плошча ля касцёла, вул.Чырвонаармейская) *Нацыянальныя падворкі з прэзентацыяй традыцыйнай кухні краін-удзельнікаў фестывалю 13:00 – 15:00 Дзіцячыя малюнкі крэйдай на асфальце “Наша Беларусь” і каляровае падарожжа “Размалюй Польшчу”. 14:00 – 15:00 “Спеўны сход” – спяваем разам вядомыя песні краін-удзельнікаў фестывалю (плошча ля касцёла, вул.Чырвонаармейская) |
